文•吳鈞洋
[焦慮症]係乜東東
又到咗「黑色四月」周年紀念，去年此際，沙士瘟疫流行令市民惶惶然不可終日嘅時候，「哥哥」張國榮因焦慮症自行了斷而離我們而去，萬千歌迷除哀傷黯然之餘，社會更增添了寒慄徬徨無奈的氣氛。咪話好了傷疤忘了痛，相信2003年春天的慘痛經歴，香港人呢世都唔會忘記！對於前線醫護人員忘我犧牲的精神，千秋萬代將永誌於歴史！至於犧牲了的醫護人員，更永垂不朽在市民心中！
今年正當大家回顧那段沉痛日子，哀思悼念醫護人員和懷念「哥哥」嘅時候，竟然又發生一宗倫理慘劇：有個「傻佬」殺咗兩個女同個老婆之後再自殺……社會的傷疤再度被揭開，令到廣大市民在陰雨綿綿的天時裡，倍增一份哀傷。
有心理學醫生話過，香港回歸後經濟的不景氣早已導致不少人患上「焦慮症」
，去年對「沙士」的恐懼感更令呢種症候嚴重化，相信以後日子裡勢必有增無減，市民千祈咪掉以輕心。「焦慮症」究竟係乜東東呀？以前只聽過「神經衰弱」個醫學名詞，依家呢個病名好似消失得無影無蹤，取而代之係「焦慮症」這新醫學名稱
，莫非潮流興用？！ 。
過往有所謂：先天有神經質傾向嘅人，後天經歷咗某些挫折打擊，先至會將病態刺激出來，由於城市人生活緊張，發病率也呈正比例增加，故稱此病症為「都市病」。據報導，依家社會進步咗，科學昌明咗，後興嘅「焦慮症」已經冇先後天之區分。雖然患病者還是以城市人居多，但是普遍性和複雜性已經超出咗醫學界嘅想象，一如：細菌；病毒……的變種，非人類所能控制遏止。
綜合「焦慮症」嘅症狀：日常生活精神不能集中，多疑慮困擾，凡事失去信心，並且經常性緊張，疲倦和失眠。
假若遇上不如意事情或且遭受到某些打擊，更加會出現諸如：發抖震顫；眩暈頭痛；心悸氣悶；情緒失控……。嚴重的焦慮症候會產生幻覺，甚至會傷害他人，同埋有自殺傾向。
八字斗數察焦慮
五行由「金木水火土」組成，宇宙萬物皆如是，人體五臟六腑也無例外。
人若然要神氣活現，「精氣神」就務須充盈，所謂「精氣神」係泛指：「陰陽調和」嘅意思，亦即係是人體五行中嘅「水木火」
一定要恊調勻循。否則嘅話，唔單只氣索神枯而出現「焦慮」症候，五臟六腑也因為「火水未濟」而發生古靈精怪病徵。
人體係由「金木水火土」元素所組成，一如上面所講要中和協調，如果唔勻循都會形成「焦慮症」。當中又以「水木火」佔最大比重，水主腎而納精，木從肝而生血氣，火歸心而醒神。
根據五行[陰陽]理論，中醫所指嘅心即係西醫嘅神經中樞，過於陰寒而欠缺火的命都有「焦慮症」傾向。
睇八字觀察五行，最容易引發焦慮症的結構係命中五行木太旺而出生響初春或冬天，呢個時候若然冇適量丙火調和氣候；再加上命中水又旺的話，就會變成濕柴鬱火。要明白火係神經中樞；而木係神經，命中木多帶濕；組合上已經有神經質嘅底子，一受到刺激濕木必亂籠令火不能谷上頭，因此導致神經衰弱，亦既係「焦慮症」形成。
單係濕木結構的八字，頂多鬱結產生各種病態症狀，大不了自我了斷而矣！最慘命中濕木而缺火欠水而見弱金(金若夠強反而能劈木而成格)
，虛金伐強木係「刺激」 ；好似神經唔正常嘅人俾人挑起條根而病情發作，呢個時候真係乜都做得出。
另一種同樣容易導致焦慮症出現的八字係水過旺而剋火，假若天干或地支見到弱火被水沖嘅話；病狀更加明顯化，再遇上水旺大運或流年，甚至有自殺傾向。假如命中同時見到不強嘅濕木，再遇上金嘅流年，事情就冇咁簡單化。講唔埋思想會偏激至非理性地步，分分鐘先傷害其他人，然後才自我了斷。
紫微斗數睇神經質的結構離不開：機月同梁，陰陽失位(天機、天梁、太陰、天同三方四正組合，太陽太陰居落陷宮位)
，當中又以天同或天機陷宮守命最明確，若然再遇上化忌及空劫破碎陰煞……等等煞星最驗，又以天機化忌最嚴重。若然原命係上述組合，行運至殺破狼，遇上煞忌會照年份，又或者行運重叠叠返機月同梁，煞忌三方四正；流年火鈴羊陀白虎會照。咁就明顯會焦慮症病發，更加唔排除有殺戳血光災劫。
巒頭理氣再加煞
我認同心理學家批評某的焦慮症患者將疾病歸咎於風水，只聽從風水師的意見而不願意請教醫生。由此也凸顯出環境風水對人嘅影響相關大，衰運所致會左右患者求醫意欲，連醫生都信唔過。否則嘅話，邊處會發生咁多慘劇呀？！
以我多年嘅經驗，人開始行好運時會由衰屋搬好屋。由好運轉入衰運時，往往「蘿柚痕」搵間衰屋入伙。命運嘅嘢，你冇得選擇亦冇得避，衰起上嚟就算識得搵個風水佬布局化煞，亦只揾得個三脚貓「教飛」
，更有陸雲庭睇相；唔衰整成衰，將好好風水間屋布局布到煞氣連貫，自困囹圄。
不論商業抑或家居風水，破局敗局最先影響係裡面住嘅人心理發生變化，亦即是所謂出現焦慮症
：疑神疑鬼，心神不寧，繼而無心工作，判事錯誤……一如聖經所講：上帝要你滅亡，先令你瘋狂。
好風水嘅要求條件：1.
座向旺山旺向或雙旺星到向。2. 外局青龍長白虎短。3.
外局巒頭山形青葱翠綠；大忌剝皮甩骨。4.
窗開：正南、東南、西南、正東四方位。符合咗上述原則之後才論內裡布局化煞。
若然上述第一項和第四項條件唔合格，再加上流年煞氣連成一氣到大門、房門、床、座位嘅話，咁就哭得一句句囉！搵得個有料到風水師布局化煞，仲算有運衰唔哂，如果不幸搵到個「舢板充炮艇」
三腳貓去搞，咁就衰硬矣！