|
答讀者問(2001-2050) (由於本網站廣受歡迎，國內外讀者電郵問事與日俱增。而我答覆來件務必親自作答，絕不假手於人！同時只限於在網上列出，不設個別私下回覆。但因問事電郵實在太多，實在無法一一解答，由即日開始，將會採抽簽形式解答。情非得已，謹此向向隅者致以深切抱歉！
文.吳鈞洋 2050.上年年尾請教左師傅我的2010年運，總括來講都係2010年又轉工又搬屋……
想問長細D，請問我最大機會可以轉到工呢？因為工司而家情況唔係咁好、自己都做得唔開心了。至於搬屋，請問邊幾個月份最大機會找到適合的樓呢？ 鈞洋答：今年流年值殺破狼，流月行親殺破狼都有機會變，例如呢個4月應該會郁，唔轉工都會執位，下次響8月。9月份搬屋機會幾大，否則會有其他郁動應數。 2049.我，Austin，性別男、出生台灣，您網站的忠實讀者。問題~今年我打算去歐洲唸書學習語文，1).老師覺得我今年出國唸書是否適合和順利？2).如果我適合那麼我要學習哪方面的科系對我將來前途比較有幫助？3).如果留在歐洲將來是否有工作機會或者回台灣發展較佳？4).我將來做哪方面的工作會比較成就和快樂並且可以幫助這個社會？~ 鈞洋答：二月丁火、必須用強金劈木以燃火及生水調候。1).
今年金劈木以生水復生木，殺印相生而大利書緣，出國唸書自然適合和順利，論理秋天可以成行。2).利於策劃設計，做律師或其他費唇舌工作也適宜。3).五行用金、當然留在歐洲好，回到台灣沒運行。4).能熱心公黨益，致力幫助弱勢社群……無論做甚麼工作你都會感到成功和快樂。 2048.吳師傅你好！(很急很急啊!!!希望今次會被抽中吧……) 本人姓李、女、1)有一對像，繞攘了差不多一年都未明朗化，麻煩你替我算算他是否真命天子？2)若他不是……那真命天子又何時才會出現呢？是否要嫁離過婚的人或異地姻緣為佳？3)我衰了好多年，人生谷底何時才過去？ 鈞洋答：我真抽中你喇……痛嘛？陰功！1)36歲、斗數命宮進入太陽太陰守丑垣，八字酉運子卯酉三刑逢沖入夫宮…前者不利男性，後者刑沖夫宮，結咗婚嘅都要離過，遑論不過拍緊拖啫。你五行忌水，條仔之命卻水汪汪，邊似係佢呀！2)冇錯，講得啱、全中！要嫁離過婚的人或異地姻緣……唔係為佳，而係先至嫁得出。分咗呢個之後、再出現嘅先至有機（食物）。3) 我睇仲未衰完囉！42歲入戊運會好啲，52歲後到老先行晚運。 2047.我叫慧、女，之前曾得到你一次回覆整體運程，你說的十分準。現很想知道自己的姻緣如何，我不恨嫁但不想自己一個，也擔心會不會永遠一個人，很矛盾！能否指點一下
: 何時才有姻緣？會有幸福婚姻嗎？會嫁得好嗎？ 鈞洋答：慧小姐，睇嚟你矛盾真嘅冇花假。既然不恨嫁，又點解擔心會不會永遠一個人，唔通想苟合咩？壬申日戊申時，身邊早有一個人候住、問題在於幾時行動而矣！咦！今年財旺生官星，立夏之後戊土生旺、真命天子仲唔出現！？ 2046.大師你好：虎年已到，我想求問一下自己虎年的運勢及今後的前程。本人姓王，出生在大陸正北方。Wzs 鈞洋答：今年地支寅巳申三刑逢沖，沖完又再沖，運程極之反復和波動。加上斗數機陰守命會照機月同梁而天同雙化忌入財帛，太陰被太陽雙化祿而奪劫精華……。小心年內被陰人負累。家人及社交……女性一概有麻煩意外，首先不利的是妻子和家人，接着是情人與同事。此無他，破財可以擋災！ 2045.鈞洋師傅你好，我是GZ的阿麗，好期待今年可以找到個好老公，最近認識一個男子（1964年大概11月生，天蠍座的），他做生意的，比我大十年，會否溝通不來，他是否適合的結婚物件呢？急盼你回復。祝你新年愉快！ 鈞洋答：癸卯日柱冬生喜用火土，時柱丁巳火為用神。目前行戊辰運、驚蟄後入辰鄉。問題來了，戊土運合癸日元是夫來合我、有丁巳火生，本來有望于歸！無奈夫宮卯木、大運辰土、流年寅木，正好會了個「寅卯辰」東方紅太陽升大傷官入夫宮。看來此物件並不適合你矣！因為你會產生抗拒心態。 2044.姓李、女、香港出生，想問師父我條命適合從事咩行業？一生既事業運同財運如何呢？將來結婚對象係一個怎樣的人？ 2043.很高興認識到您。本人想問人的一生是否早已注定。我身邊有位朋友今世做了一些壞事，要多做善事去還債。她又稱自己兩年後會有劫數。請問本人可否替朋友積福還債?用自己的人生去改變她的命運?
Wing 鈞洋答:
一啲都冇錯，人生乜叉都係原裝註定冇花冇假，前世因果今世計數，冇得賴猫亦唔做得臨急行善以補鑊。唯一可行係破財擋災、但必須破入肉而蝕到眼坦坦嗰隻。非血緣關係除咗夫妻之外未曾聽聞過有所謂「替代積福還債」呢味怪雞道行，非親非故憑咩替代呀?
烚憨! 2042.本人姓李，女性，香港出生，想向師傅請教：(1)本人已有多年沒有拍拖，想請問一下本人的真姻緣何時出現
(因本人朋友曾說凡八字沒有"官"姻緣較難？(2) 另,
事業及錢財運如何? 如何可聚財? 鈞洋答:
聞得你多年冇拖拍、甚為你難過！戊土生正月強金立時柱、係傷官配印格，32歲入午火印星地。1).2011年寅卯辰東方會入夫宮生旺丙火陽光、一如歌仔唱：「東方紅太陽升，嗰個公子係真命」。乜話，八字冇官姻緣難？咁就聽吔蕉都得喇！2).52歲前闖出個名堂，之後財源廣進。 2041.我姓魏，來自中國內地，生於新疆克拉瑪依，據說要測八字需要“真太陽時”，也就是當地時間，我們這裏的“真太陽時”可能要比北京時間晚1個多小時將近2個小時，不過大家都只用北京時間。我是檢察官。我想測一下，我未來的仕途怎樣？財運如何？將來會不會有什麼好發展前途？有人說我八字缺“火”，應該多穿紅顏色的衣服，是這樣嗎？ 鈞洋答：如果職業是當官的、不用多考慮用北京時間較為準確，整個格局是壯木春生而渴水，五行木既壯水也不弱、更有金生，乃正宗「殺印相生格」。一如你所說、病在缺火，所以不入火鄉，官絕對做不起、財保證催不來。穿紅衣服改運？哈哈，上台演戲做大官嗎？！總要自量自己在地球佔多少分量，以個人自製五行喜用去抗衡宇宙，是否有多少不自量力乎？至於問甚麼時候入火鄉？答案是30歲後，寫包單保證你升官發財直至55歲後。 2040.我叫阿文，出生台灣，請問大師我的事業及財運？ 鈞洋答：甲木生酉月而五行金旺極，用火調候兼制金，唯獨火弱在秋後、加上缺壯木以生火，故非入木火鄉難有好際遇，54歲後先行巳午未運、復入火地，是大器晚成格。 2039.師傅你好，看到你為各人解答問題，直接了當到point，很希望你能指點一下。本人今年和男友分手，真係好唔happy，想問下有無得復合？如果無，幾時會識到新男友？
鈞洋答：唉！又係一條「昭君命」，即係話，除咗異地姻緣甚至異族通婚，睇唔出依家五年有嫁得出嘅支持理據。事關你係丁火命生正月而五行俱火、卻缺金欠水而偏埋一邊。加上夫宮本來已經寅巳相刑，目前更加行亥水運而三刑逢沖……本來想睇你分咗手嗰位哥哥就咁「蓋棺」作定論。看清楚，對方條命原來金多水旺，睇嚟未必就咁玩完，唯獨要結婚嘅話非到37歲不可。 2038.我相信，只有吳師父是唯一的大師不計較金錢和時間去答我們的問題，真的十分感謝!!!!好開心新的虎年到了
~
過去一年如吳大師所言，搵隻烏蠅飛埋嚟都無、無人要，十分準確!!!!
來到虎年, 想請教師父"中女"的我能遇到真命天子和他真洞房嗎？自知八字"Dry"到乾旱，但仍想知道可唔可能有自己的家庭和仔女？
老公相貎怎樣，專一嗎？ 鈞洋答：畀你咁讃真係「紅都面哂」……高帽戴在頭上自然快樂，人稱「戴高樂」就係咁嚟嘞！乜話？你丙辰命自坐傷官架，鬼咩！
37歲前辰運夫宮逢刑eat yourself係意料中事，37歲後官殺混雜斷估一樣煩過梵蒂岡，除非和番啦！事關夫宮個太陽响子宮，如果唔嫁出國保證個太陽受困於子宮黯然無光。（你自己都知道冇水而Dry極，偏偏卻以水睇老公、而水柱立年上，你話唔凑鬼點能真洞房？）。如果佢之前結過婚就專一囉！否則必有第三者。相貌：眼矇、鼻大、多聲氣。 2037.請師父解答疑問本人香港出生同仔及老婆時常嘈架，関係不好又不是，好好又不是，不是很和順的。聽說牛，羊，狗是刑尅的求求師父解答我同老婆同仔仔的関係對策。 鈞洋答：冇嗰回事！你只不過條命財多身弱，畀老婆恰係好正常嘅事（恰好過剋）。呢種情形過咗47歲可以逐步改善。個仔幾生性架！又敦厚（天府化科守子女宮）。由於你係巨門守命，衰多口係好天生、好難改，對策係做人得過且過而咪叉腌臢聲悶。 2036.希望有幸給師傅抽中解答。小妹姓吳，根據紫微斗數命盤，本命子女宮天同化忌，大運現行天同，大運都在天同。 請問來年2010 流年天同又遇化忌，
會否因雙忌影響我們的子女或自身運程呢？
鈞洋答：我手執皮鞭將你抽中，哈哈！你兩公婆今年均貼身不利女人，猶其係你自己天同化忌入父母而老公則日柱犯庚寅伏吟，今年如果你自己無驚無險嘅話、肯定娘家母系人口有病傷意外。 2035.本人姓陳，女性，個多月前曾電郵查問大師，可惜沒有回覆，於是再接再厲。因近月發現男友有第三者，現在十分困惑，因為己和他一起十年了，他亦坦言不會與第三者之關係維持得太久；希望與我白頭到老。想請教吳師傅，這段是否本人的真姻緣，我應否再給予他一個機會，還是把心一橫完了這十年感情。 鈞洋答：命屬甲木，但係雙木透干成個林字，由於你條命以金睇男人，凡走近你嘅麻甩佬肯定橫財就手而財色兼收，（事關金見木係佢嘅錢銀女人），你話貓見到魚會不會運路行唔吼？十年喇！如果仲培養唔出愛情肯定會出現悲情，大方極點都要為自己打算下嘞。老實話多年嚟我見過不少（姑姑）都係咁而悲慘收場。 2034.現在的工作己經4年多了，一直都無有成功感和認同感，
加上今年十月初五結婚、希望轉一份安定d的工作。想問2010年可以轉到工嗎？
小蚊子 鈞洋答：打開蚊帳又見到你，哈哈，真有緣！你係丙火命、地支三重食傷而自刑，時干透江河壬水為用神。33歲前運行雨露癸水，一則江河照日春光明媚、唯獨一則卻雨露蔽日陰晴不定。咁咪即係你目前寫照：喜在真洞房、衰在得個忙。38歲入咗申酉戌財運、到時先至對工作有成功感和認同感。2010年保證轉得成工，假如舊年轉咗今年仲有機會轉。 2033. 本人姓詹，男，出生地廣東省-潮州市-饒平縣，請教2010年運程，有什麼需要注意的，目前做偏門的生意，暫居深圳。 鈞洋答：今年轉運，流年行殺破狼，應該有新業務開拓或兼顧，財運年內也不差。只係今年天同、巨門化忌而會照天機……入父母、子女、交友、……小心有刑剋意外，整年長輩刑傷、生育血光、愛情離合……等等。 2032.吳師父解答我心中疑難•聽我的朋友講我住的居所是六運樓丁向、唐四樓大門在東北方•放紅色地布就可以合天山大畜之卦•我的大門納入57星。 鈞洋答：邊有天山大畜卦架！八運東北蕩79星，加塊紅布可以算火天大有變卦火山旅，本來幾好。之不過流年東北沖西南二五交加煞曜，火燒病符、因住：婦科見紅、牙痛、眼瘡、血壓……等等入宅派勻全屋。 2031.本人姓王、女，香港出生，1).問師傅我未來幾十年的運程如何？2).我想來緊的下半世自己在家從事金融炒作，自己賺取基本生活費可以嗎？3).還有沒有姻緣呢？若有，是什麼樣的人呢？謝謝師傅。 鈞洋答：壬子日柱丁未時，身旺用火而財來就我。1).43歲後行金刃運，阿媽有事但事業更上一層樓，巴巴閉閉。到老行火運，有如大病得良藥、冇衰！2).
點只基本生活費咁簡單呀，嗰陣仲……一陣至話你知。3).你在33歲後命、運嘅地支夫星全沖，結怨就有之、結婚就微啲嘞！依家乙木運剋夫星己土、仲係未化，姻緣仍係蹉跎緊。43歲左右可以喇，有機會真洞矣！你第時個老公係肥佬、有米，招積……應該係第度嘅。你晚年行財運兼夾旺夫，斷估唔使做喇卦！ 2030.老師，曾多次電郵，請求指點，至今仍未抽中，唯有再接再勵，願今次抽中。我姓:謝
姓別:女，1)事業如何？會否到外地展？能否出名？現在的生活很艱苦不定，應該向前沖，還是打份普通工？2)好像沒有真姻緣，現都不敢怕拖了！會否結婚？會有真姻緣嗎？3)有否財運？晚年怎樣？ 鈞洋答：乙木命生酉月，四柱着咗一半係庚金坐酉刃，一半係乙木，即係話五行殺重身輕、擺明女兵命，打就有你份，嘆就你無緣。1).37歲之後丑運喇！到時可以博殺、可能食屎食出豆畀你闖出個名堂。2).洞房應該喺呢個運、甚至睇好2013年。3).名大於利，小康以上結局啦！晚年唔差、不過多病傷意外罷。 2029.吳師傅你好，關注你的網站好耐啦，email都发咗好多次，希望今次可以抽中我啦！我姓江，女性，廣西出世，現在澳洲讀書。我想請問：10)我的因緣咩時候到？真命天子系什麽類型人幾時有機會結婚？適合異地婚姻嗎？2)事業財運如何？適合在澳洲工作生活嗎？多謝師傅~~~ 鈞洋答：啊！是平安夜出世，稱呼你一聲基督小姐、你好！1).壬水生子月、會申子辰水局，五行寒過北極，行火運才有姻緣到。除非到南方地域（和番）才有機會結婚。也是食屎食出豆，命運竟然安排你去澳洲讀書，看來唯有疊埋心水和番嫁澳洲人矣！個老公都幾風流倜儻高大唔瘦架、也有啲銀両嘅，之不過多女仔追嗻！2).47歲後到老都富有，之前事業運唔差。 2028.本人阿雪、女，欲知虎年事業，能否轉換工作，特別是在外地發展的工作，在港工作有點心灰意冷。 鈞洋答：丁火生午月，用水喜真金，47歲後至行金水運，換言之在此之前你註定要浮劫人生少人問，勞心勞力獨我行。須知金水旺西北歐美，既係你命中喜用，自然去嗰戍有運行，去不成、上去大陸大西北亦好過留響香港呀！今年係金寅年，對你嚟講極之唔錯呀！至少轉倒工、也有愛情到。 2027.我是你的忠實讀者，我巳第6次來信了，但可惜每次都抽不中。我姓周、女性、現居加拿大，但想回流香港,請問哪處較適合呢？另想請問我是否要金水，忌木火土？今年開始是否行十年衰運？有咩要注意事項？婚姻又如何呢？ 鈞洋答：揸住條鞭係咁鞭，點知邊個唔好彩畀我抽中呀，哈哈哈！你係己土命、生午月更會南方，全盤犀利過「赤道」、燒到寸草不生，唔使問阿貴都係生癪仔，要賴金水救命，大忌木火土……火上加油。金水旺西方：歐美加……等地，返嚟香港保證冇運行，猶其37歲後嘅戌運。今年睇怕有真命天子出現卦！事關2012年有機會生育。 2026.見到你係網上面有個留言版,
批算八字精闢獨到又爆笑, 請師傅幫我望下啦!!!!! 多謝!!!!
我叫梁慧叉，女仔 (中旅)
，香港出世。(1)想問感情姻緣點呢？幾時嫁得出？我有個男朋友香港出世，佢吊兒郎當，不過令到我好開心，呢個人係我O既真命天子嗎？會嫁到有錢老公之後成世UN
UN腳唔使做嗎？(2)事業運點呢？雖然我係大學畢業，不過宜家都只係做個SALES仔，我自己讀緊法律，將來工作運如何呢？
鈞洋答：梁慧叉，你30歲還未到、仲未夠資歷入「中旅」做。你條命丁亥「官印自合」生戌月而五行金旺，擺明係傷官生財命，斗數機月同梁而陽梁昌曲三方四正1).夫宮「官印自合」，肯定嫁得個略豐滿、識講嘢、有才幹嘅「公公」，由於你條命係年時酉丑會金生夫宮水，故未必能嫁個令你打跛腳……唔使做嘅丈夫，但絕對保證你命可旺夫，仲有係異地姻緣居多。呢位哥哥未必係真命天子卦，事關你依家幾年有機會去第度。2).事業運梗掂啦！只不過目前時柱犯伏吟，非過32歲後難有好際遇。你係機月同梁命而陽梁昌曲三方四正，一世利書緣利考試，將來寫包單好唔得掂！即係話名利雙修嗰種令人驚嘆嘅唔得掂。 2025.本人想問自己一生財運事業方面如何？我由細到現在都十分窮，相信你也能從本人的命看到我出身家境一定不好，我好怕窮，請問本人有否偏財運或賭運？我一直想擁有屬於自己的事業或生意，所有野由自己控制、唔想做打工仔，有諗過獨資經營自己的生意，請問我會有咁既一日嗎？CRAZY 鈞洋答：我夠窮囉！相比起嚟你將來肯定比我富有，事關你天相守命亥垣、對沖武破破軍化祿，廉殺守福德丑垣，會照殺破狼紫貪貪狼化忌纏地劫守酉垣夫宮沖照事業卯垣，天府居未宮財帛、身宮同度左右夾日月。呢種命係揸住雞毛當令箭格，31歲前開始開始有發圍。條命大利於出外發展，乜都要爭要搶、一如你個筆名咁CRAZY！唯獨卻畀你博懵成功。條命冇乜賭運，千祈咪沉迷。 2024.本人姓戚,
香港出生。請問以下何種行業最適合本人? 傳媒, 酒店,
財務, 汔車, 資訊, 農漁, 藝術, 流通, 娛樂, 命理, 烘焙,
電訊, 飲食, 服飾地產, 中醫藥, 法律, 政治, 鮑海, 珠寶,
航空, 鋼材, 投資, 眼鏡, 環保, 米業, 咖啡, 酒業, 飲品,
食品, 保險, 西醫藥, 物流. 鈞洋答：好似寫漏咗啲喎、阿戚生，嗱！例如：殯儀，通渠，偏鋒…..
未寫噃！講笑咋，咪當真，嘻嘻！你丙火命生七月，五行土旺食傷混雜喜用水木。農漁、服飾、中醫藥、米業、鮑海、航運、水產…..
等等行業啱你。 2023.本人姓侯，男，瀋陽出生，現住在北京，想請問師傅本人一生的事業、財運，有無富貴可言？ 2022.本人芳芳、女、台北出生，請問老師，本人是否將來可自行創業，房地產適合嗎？感情始終沒有遇見合適的交往對象，正緣何時出現？ 鈞洋答：癸巳日柱生酉月，五行金水俱旺，坐下夫宮巳火作用神 （用火土）。本來財官為用神必大利從商，唯獨斗數太陽化祿守亥垣而天梁守未宮財帛，從事房地產經紀還可以、做老板娘則不敢恭維，事關天梁守財帛一生為財帛周張費神。唉！生意人財政捉襟見肘，你心甘情願嗎？目前有姻緣到，或許嫁得金龜婿，唯獨一生註定纏三角關係告終。 2021.我姓棻，本人今天轉新行業「地產代理」未來日子可否從此行業發展得以成功，及會否成功自行開業？及日後可否另從事風水命理行業？ 鈞洋答：嗱！事關你冇註明自己係「太抑或大」我唯有當你係太命睇、所起嘅亦係男命盤。𥄫下先，條命丙午日柱而全局係哂火、淨得時住庚寅而五行缺水、干過我荷包。冇法，唯有視作「假從旺格」一世喜行木火運。宜家行緊辛巳火鄉，即係話都有際遇嘅。斗數目前坐太陰化忌對太陽化祿，不利女人明顯、或刑剋、或得罪甚至被負累，個人泌尿腎經、骨、牙…..等等也多暗病纏綿，2010年最驗證。天機化祿守事業身宮，照道理也可以從事風水命理行業嘅，之不過太陰化忌喎，點知會否走「茅山改大小運」嗰泛呀？！ 2020.我叫幸褔，曾經自認為自己是世上最幸福的女人。不求大富大貴只求細水長流的感情相扶持，我現在的男友是個不可多得的大好人，今生有幸嫁給他也是我的福氣。可是另一個他出現了，他很優秀，我接受了他、很愛很愛他，現在我為難了，我該怎麼辦？只有求問師傅給我做主了。 鈞洋答：咪咁大聲呀！叫我做主、分分鐘會被斬開九碌。有時咪話星座唔準，好似你7月22日出世嘅人，同一日交接、又巨蟹又獅子，仲慘過八字食傷混雜。條命係殺破狼會祿科權，廉貞化祿七殺守未垣。唉！卻衰在太陽化忌守子宮交友。即係話，你識親嘅男人都懵盛盛、任由你擺佈，只要一日未係老公都有機會畀你飛起，今日A君嘅遭遇、明天B君肯定身受。並非話做咗你老公就幸福，仲慘！末婚頂龍被飛起，婚後講唔定被剋叉死，事關天相守夫宮，太陽化忌卻夾天府，逢相看府…..唔較腳有鬼矣！ 2019.我叫gloria，女，香港出生。想問師父我條命適合從事咩行業？一生既事業運同財運如何呢？將來有冇機會自己做老闆呢？ 鈞洋答：哈！你出世年月日幾易記噃。條命丁火生酉月，因五行啲金太旺而喜用木火去熔鬼佢，地支會齊東方（不敗）喇！誰知你卻衰多情合住咗時干壬水而不做正經事。一生嘅事業財運絕對唔會差，只不過略打折扣啫。大利金融行業。做老闆呢世都唔好諗喇！唯獨是第日嫁個有米老公而可以做老闆娘嘅。 2018.我係前日找您批命的ERIC。前天聽您解說後，有以下問題，希望師傅可以再解答：1).我42歲左右時，妻子身體有大問題嗎？她能否避過此劫？她長壽嗎？2).現在這十年有大變化，但是順利嗎？3).命盤上，哪里顯示我49歲至89歲“名成”和“利就”？
4).我適合做執法工作嗎？ 鈞洋答：ERIC，你嘅問題解答如下：1).42
-49歲，八字行值乙卯嘅卯運，唔好彩「子卯酉」三刑逢沖入妻宮。至於斗數，咁啱大運妻宮亦武曲獨守戌垣雙化忌入父母宮，好明顯佢外家人口有刑剋、講唔埋佢自己亦有機會挨一刀。你太太佢目前至43歲係行緊武曲七殺卯酉，殺陷震兌而會照殺破狼三方四正纏祿科權忌加天壽，太陽福德沖照太陰化忌疾厄辰戌羅網，佢因纏天壽未必有事、唯獨母系人口及手足中嘅女性就唔恭喜矣！太陰化科守原命妻宮梗長命架。2).你條命係萬物生長靠太陽，有個太陽丙火響時柱射住，由依家起先行木地後進火鄉，到89歲都算有運行，有個毛澤東（紅太陽）係咁射住你，想衰幾難！若嫌“名成”和“利就”得耐而冇癮，可以提早退休將啲「正嘢」留畀仔女都得架！3).執法工作如保安司李少光個位都有得諗嘅，至於陀槍揹鐵嗰泛，斷估唔使諗矣！ 2017.我姓:謝、姓別:女，出生地:香港，想問：1)事業如何？會否到外地展？能否出名？現在的生活很艱苦不定，應該向前沖，還是打份普通工？2)好像沒有真姻緣，每次對方都有另一個，現都不敢怕拖了！會否結婚？會有真姻緣嗎？3)有否財運？晚年怎樣？ 鈞洋答：嘩！條命五行：乙酉日柱生酉月，庚辰時，天干朋透三木。成個「一樹梨花壓海棠」格，唔怪得你牙痛咁聲啦！1).事業唔錯呀！至少一世鮮會失業，出外發展辛苦得嚟或者會出名嘅，本地就只有老闆出名你出命而矣！2).話明「一樹梨花壓海棠」，唔好彩、一世都係阿二命囉。等42歲庚寅運啦，到時天干庚金幫你掃叉哂班牛鬼蛇神，地支寅木強身健體，姻緣想避都幾難！3).多病啲嗻，晚年唔差架！ 2016.本人姓黃，女性，想請師傅為本人批八字:我的運程一直都不太好，何時會好轉？尤其是財運？
謝謝！ 鈞洋答：42歲後啦，之前都畀你「敗哂」啲好運！事關你條命係金水傷官用印劫，必須入土金運至有得鬆毛鬆翼（用土制水、用金幫身），就係嫌條命「財多身弱傷官重」52歲後入金鄉、有人幫你搬緊啲銀走先至有運行，由來賤格之最就係「財多身弱」命。 2015.本人姓劉、女性、本港出生，我為'殺破狼'命，28歲後至今，就算有人喜歡，一是無疾而終、二是對方多數有女友，好驚是二奶命，又驚孤獨終老。請問：(1)是老姑婆命嗎？ (2)
如不是, 何時會有真姻緣?
對象大概會是一個怎樣的人呢？好等我留意一下 (3)
會有異地姻緣嗎？ 鈞洋答：話就話係殺破狼命，唯獨火貪守命宮，祿存纏財帛，一世衣食無憂、你以為人人有咁命咩？！1)2).39歲前算得係姑姑命（未可能嫁得出嘛！），之後由於樓價暴升、想做姑婆也冇屋畀你獨身過世，於是守係咁意搵隻半人半鬼嫁，對方係肥佬、如果唔係跛跛哋應該忱長風濕痛，有啲米嘅。3).肯定異地姻緣啦！ 2014.小女子姓何，請問師父：1).我的真命天子會於何時出現？2).對方與我相差之歲數及特徵如何？3).請問我何時會結婚ne? 鈞洋答：火炎土燥用金水，金水會聚夫妻宮，第時婚姻唔會差，唯獨……1).43歲後至行水運，嗰陣至旺夫，唔敢話你到時才嫁得出，但之前愛情都幾多波折。2).應該相差冇乜幾多，但80%要嫁去外地。特徵？豐滿之人、也幾有深度嘅，略嫌陰柔咗啲，仲有係有多少濕滯挑剔兼情緒化。3).第一項咪答咗你囉！ 2013. 雅安、男，請問運程？ 鈞洋答：壬水丑月生、自然陰寒用火而喜土。33歲後進入巳午未南方30年，斷估63歲前唔會衰。目前運勢財不弱唯獨刑剋母系人口，錢銀女人多卻人事紛爭多兼且不利婚姻。個人容易神經衰弱。 2012.我是臺灣的女子小雷，從丙戌年開始人生一團糟，看過兩年的精神科..今年才開始正常，但身體從小就差一直看醫生調養。目前失業，感情至今空白,很多看盤的都覺得官殺不現財星被剋要我自求多福……這次想問老師(1)我的工作及財運何時能穩定？(2)何時……我能有婚姻嗎，或有段穩定的感情……及有無親生子女？ 鈞洋答：甲子日柱生戌月、己巳時，不菅你屬木抑或化土，都用水喜金（五行大自然生存條件）。五行火炎土燥，有江河水卻缺金生水、恰似一潭死水，金運則早在28歲前已走完。1).由於一路28歲後一路走南方忌神運，假若不從事持工具利器或航運、水產…等等行業，恐怕難能穩定。2).除非嫁西方人，否則難有婚姻。 2011.姓名： 墨斗仔，性別： 男，問題：1) 近日有官非
(自己比人打反被告打人)，能否安然度過？最低消費守行為2) 今年2009好黑，係10年來最差。去黃大仙求自身都得89
下下簽，黑氣幾時可以過？3) 分司大陸分店開但日日食蛋幾時可以好轉？4) 我離開
hk全留大陸生活命運會有好改變嗎？ 鈞洋答：墨哥！哈哈，同嘜哥發音差不多。鬼咩！戊土生卯月，地支子卯酉三刑逢沖，喜用火土而忌水。加上1).2010年多數大步檻過冇事。2).
09年亥子丑會咗個北方水忌神響坐下，好驚你黐多件….帶來衰運阿嫂和你下低冇事已還得神落！3).2010年可能摺埋而搞多泛新嘢。4).忌水而留響大陸咪衰多兩錢重囉！ 2010.小妹名叫恵敏、本人自幼希望能成為甜品店之老闆、非常想知何時可以夢想成真！因開業要動用大筆資金、尤其本人是有小孩之主婦、加上現今之時勢、更要120％慎重計画。還有想問本人命裏是否有提示与神佛有縁？我是否可営運一間与神佛有関之生意？而所得益之部分是作善事用途的。 鈞洋答：機陰守申垣會機月同梁，擺到明係信女命，睇怕第日要改名做惠清矣！機月同梁命唔啱做買賣生意，反而服務「阿彌陀佛」可以名利雙收（話之你將收益完全捐哂出去）。至於你條亦係白手興家命，晚年先至有福享。 2009.小弘、男、生於台灣省高雄市，為低階公務員多年，考公務員高考皆以些微分數落榜，.是否一輩子不得志？不動產運及子女緣分是否很不好？ 鈞洋答：庚申日柱生申月，五行金強火虛，可以作從旺革論命，46歲癸卯運天干剋去年丁火，地支暗合申金，必有陞遷機緣，斗數運限入紫貪而紫微化權必有一番好光景。福德貪狼纏祿對沖紫微守財帛身宮，肯定長袖善舞。唯獨將來不動產多有煩惱事，子女也不近身。 2008.伍乂堅、男性，巳婚，請問夲人的事業運如何？ 何時行大運？有咩要注意？ 鈞洋答：驚蟄雨露、木多索水，用金劈木生水、少啲都唔掂。48歲前一路火運，如果話好掂不過車大炮。49歲後入咗金運真係有運行喇！最緊要離開出生地先至有發圍。 2007.本人姓莊、女、好耐冇拖拍啦、好驚呀！ 1:現同一男子幾好傾，想知夾唔夾有冇機會？2:我同細過我既男仔發展得唔得？3:我要等到幾時先會拍拖及結婚、及我係咪尅(老公)命、及有冇兒女命？ 鈞洋答：做人最慘冇拖拍，係唔係？1).你條係蓬萊仙島命，大山矗立海中央（戊土生亥月），又寒又削加上光禿禿、必須陽光溫暖，少啲火都唔掂。你個小朋友命屬丁火生亥月地支會北方，相比起你要求陽火更加甚……即係話條友屬劣質馬、可以不理。2).當然冇問題啦！3).我認為2011有真命天子出現，是否當年洞房係末知數。（真洞房呀！）唔啱至多分開，依家甚少有話剋夫！你至少有兩個仔女。 2006.我是呂小姐，台北人，未婚；去年我想轉業，聽說我當時的流年為破軍化祿，有機會轉業。不過，從去年到現在7月，一直幫忙處理家裡的變動，工作上沒有任何進展，反陷於停滯。我想請教老師今年是否有可能在工作上有所進展或是機會？ 鈞洋答：不知我答你問題的時候有甚麽變動？以我估計2009年還是頗難有大改變、頂多旅行頻密而矣，反觀今年立春過後觸動寅申巳亥驛馬星而有動象。由於流年命宮紫府化科會照廉相廉貞化忌，武曲化權，對沖殺破狼遷移，不排除出外發展而有個好機會。 2005.小女姓陳，香港出生，於2008年大學畢業，本來有教授有意收我為徒，惜事有變卦。今年小女有重大決心，希望能改變現況，另拜其他教授門下，未知2010年我命中有否此機？餘姻緣不問也罷。 鈞洋答：2008年你坐破軍而會照殺破狼，流年父母宮天機化忌會天同雙忌，由於教授係父母、烏忌白忌點會順頭順路？2009年轉咗紫府中運而天府雙化科、武曲雙化權，斷估利學業不過衰感情，2010年歲運重疊紫府，我極之睇好。唔係感情呀！ 2004.我姓何、女性、香港出生，想問一下我的姻緣和事業望你能指點一下,
因近來有些事情發生了, 是和姻緣/事業有關的。 2003.我叫冬姑頭，女，我剛又比公司炒咗啦， 差不多份份工都係比人炒，好灰心。我只得亞媽一個，乜親人都冇，我點過埋下半生，我仲有冇路行亞？ 鈞洋答：第日唔好叫冬姑頭喇，習慣性畀人燉冬菇、都咪話唔心翳！庚金鋼材生午月，金不弱唯獨啲火燒通天，用水救火為急卻嫌五行欠水，乃成火金兩神成象格。即係話乜都要頂硬上而食自己，最慘係48歲前嗰五年戌土運，三刑逢沖有價值嘅嘢莫不沖個清光、因住阿媽健康添！好運會聚響48歲後而到老，梗係有路行喇。 2002.本人姓張、女、生於香港，想問事業,財運和姻緣。之前一路都覺得不順、好多障礙，去看掌人家說我三十歲後更差，因為我的右掌比左掌差很多。請問是否一直會很窮和不能嫁出？ 鈞洋答：你梗係孤乜寒畀唔足銀両嗻，否則個相士點會詛咒你呀？！丁火日元生冬令，五行金寒水冷、丁火有如大海孤燈。好運要待45歲丙火運干轉入，真正好運必須過55歲才行到。你係七殺獨守辰垣羅網，早運確係差緊啲、婚姻更加要過35歲後方有着落。 2001.吳師父：你好、本人有些問題希望師父你解答小女子的疑問•我有一個朋友話我的兒子往後十餘年都會很執着，做事會不聽人講•做媽媽是非常擔心的ｏ請師父你能解答我的兒子個人的喜忌，他的名：「寶寶」他生於ｌ９９７年出世、是西曆是開刀的，我只生一個、希望師父能解答我的問題。謝謝、祝身体健康！鳳萍 鈞洋答：明知劏肚生，點解唔擇個吉日良時呢？真ngongui（唔識解個英文由得佢）。佢五行水失令更盡洩於木、更不見明金生水，恰似一潭死水。幸而年支丑土內藏金水流通，復一路行金水運……咁咪好囉！回歸命，先天有祖宗風水蔭庇，後天有祖國大水射住，武曲守羅網，講到明係打仔格又點會唔執着硬朗呢？將來若然唔從事專業技術必然撈偏鋒（投機），同阿媽緣厚但剋老豆。 |